Léirigh CGO Chontae Átha Cliath  a ríméad tar éis a cheapadh mar phátrún ar an gColáiste Pobail  nua i Lusca atá beartaithe le hoscailt  i Meán Fómhair  2013.

Tá sé ráite ag  an  bpríomh-phátrún  scoileanna  i gContae Átha Cliath go mbeidh an Coláiste nua  ar cheann de na scoileanna  is nua-aimseartha  sa  Stáit  agus go bhfreastalóidh sé ar an bpobal uile agus   ar riachtanais  oideachais ógra Lusca  go ceann i bhfad.    
   
Dúirt an Dochtúir Máire Ní Ghrífín, Príomhoifigeach Feidhmiúcháin  CGO Chontae Átha Cliath, “Táimid ag tnúth go mór   le freastal ar phobal uile Lusca le Coláiste Pobail nua den scoth.  Bunófar Coláiste Pobail Lusca chun daoine óga a dhéanamh inniúil ar  scileanna riachtanacha saoil agus  tabharfar an cúlra acadúil a bheidh ag teastáil uatha don todhchaí dóibh.  Scoil il-sainchreidmheach, le héiteas pobalbhunaithe uileghabhálach a bheidh inti.  Beidh caighdeáin sár-mhaitheasa oideachais ar fáil ann.”

Is tuar dóchais do thodhchaí  geal nua   do Lusca agus dá  ógánaigh an scoil nua seo.  Mar phátrún, tabharfaimid taithí na mblianta  linn chun timpeallacht oideachasúil dhearfach nua aimseartha uileghabhálach a chur ar fáil, dírithe ar shár léinn acadúil  agus forbairt scileanna pearsanta saoil agus  scileanna maireachtála in Éire nua-aoiseach.”

“Tá ár bplean do Choláiste Pobail Lusca bunaithe ar fhairsingeacht ár dtaithí i mbunú agus bainistiú Coláistí Pobail úrscothach ar fud Contae Átha Cliath.  An ceann is déanaí dár gcuid is ea Coláiste Pobail Domhnach Bat.”

“Tacóidh agus spreagfaidh CGO Chontae Átha Cliath rannpháirtíocht tuismitheoirí, múinteoirí, ionadaithe tofa agus leasa na mbunscoileanna mar dhaoine a imreoidh mór thionchar ar éiteas agus  ar threo an choláiste sa todhchaí, arsa an Dr. Ní Ghrífín.”

Is é CGO Chontae Átha Cliath, le hoidhreacht 80 bliain in oideachas Éireannach an t-údarás áitiúil reachtúil oideachais sa Chontae.  Tá na Coláistí Pobail faoi stiúir CGO ina gceannasaithe  agus  ina  nuálaithe i soláthar riachtanais oideachais  nua-aimseartha d'ógánaigh,  á gcothú mar bhaill iomlána a bpobal agus a sochaí. Aithnítear cuntas teiste an CGO agus a chumas chun freastal ar riachtanais pobail a bhíonn  de shíor  ag athrú.  Mar phátrún  Choláiste Pobail nua Lusca   cuirfear  taithí fairsing agus  saineolas an CGO i soláthar oideachas d'ardchaighdeán ar fáil.

Bainistíonn  CGO Chontae Átha Cliath  26 Choláiste Pobail,  4 Gaelcholáiste  agus 4 Phobalscoil Náisiúnta, ar fud Contae Bhaile Átha Cliath, ceantar an-leathan ag síneadh ó Bhaile Brigín sa tuaisceart go Seanchill sa deisceart agus go Leamhcán san iarthar.